Manchester United njoftoi zyrtarisht emërimin e Michael Carrick si trajner i skuadrës së parë deri në përfundim të sezonit 2025/26.
Carrick, i cili ka luajtur 464 ndeshje për “Djajtë e Kuq”, fitoi pesë tituj të ligës Premier, FA Cup, dy League Cups, Ligën e Kampionëve, Ligën e Evropës dhe Kupën e Botës për klube gjatë karrierës së tij si lojtar. Ai është një figurë e njohur dhe e respektuar në radhët e klubit, duke sjellë një trashëgimi të pasur dhe përvojë të vyer.
Pas pensionimit në vitin 2018, ai u bashkua me stafin teknik të skuadrës së parë, duke punuar nën drejtimin e Jose Mourinho dhe Ole Gunnar Solskjaer. Gjatë periudhës si trajner i përkohshëm pas largimit të Solskjaer, Carrick udhëhoqi ekipin me profesionalizëm dhe respekt të madh, duke arritur rezultate të mira në ndeshjet e tij të para.
Më pas, ish-reprezentuesi anglez drejtoi Middlesbrough për dy vite e gjysmë, duke filluar nga tetori i vitit 2022, përpara se të kthehej te Manchester United në rol udhëheqës. Kjo rikthim është pritur me entuziazëm nga tifozët, të cilët shpresojnë se Carrick do të sjellë një frymë të re dhe do të ndihmojë ekipin të rikthehet në rrugën e suksesit.
“Është një nder i madh të kem përgjegjësinë për të drejtuar Manchester United. E di se çfarë duhet për të pasur sukses këtu, dhe fokusi im tani është të ndihmoj lojtarët të arrijnë standardet që presim në këtë klub të jashtëzakonshëm. Kam besim të plotë te talenti, përkushtimi dhe aftësia e tyre për të qenë të suksesshëm”, tha Carrick në deklaratën e tij pas emërimit.
“Ky sezon ka ende shumë për të luftuar. Ne jemi të gatshëm të bashkojmë të gjithë dhe t’u japim tifozëve performancat që mbështetja e tyre besnike meriton”, deklaroi Carrick, duke theksuar rëndësinë e angazhimit dhe përkushtimit të ekipit për të arritur objektivat e vendosur.
Me Carrick në krye, Manchester United shpreson të rikthehet në nivelet më të larta të futbollit, duke u përgatitur për sfidat e ardhshme në Premier League dhe kompeticionet evropiane. Tifozët e klubit janë të etur për të parë se si do të evoluojë ekipi nën drejtimin e tij dhe nëse ai do të arrijë të rikthejë lavdinë e dikurshme të “Djajve të Kuq”.
/Telegrafi/