Portieri kosovar, Betim Halimi, ka qenë i ftuar në episodin e fundit të podcastit “Arena e Yjeve”, ku ka ndarë disa nga përvojat më të paharrueshme të karrierës së tij, sidomos ato që lidhen me legjendën e futbollit, Yaya Toure. Ky episod është realizuar me mbështetje nga sponsorët zyrtarë Golden Eagle, Air Munich dhe Exfis.
Halimi ka folur për momentet e tij me Toure, duke theksuar se ajo që e bënte Toure të veçantë nuk ishte vetëm cilësia e tij si lojtar, por edhe thjeshtësia dhe sjellja e tij si njeri. “Ja nisën mediat në Ukrainë të shkruanin për Yaya Toure po vjen ndihmëstrajner. Po e pabesueshme ka qenë deri sa e pamë me sytë tanë”, tha Halimi.
Ai e përshkroi Toure si një nga lojtarët më të njohur që ka takuar, duke theksuar se “si Yaya Toure nuk më kanë parë sytë”. Halimi e vlerësoi Toure për thjeshtësinë e tij, pavarësisht statusit të tij të lartë në botën e futbollit. “Aq i thjeshtë. Domethënë ai ka qenë i privilegjuar në klubin tonë me kushte se ne udhëtonim për shembull me tren nga 9 orë me një qytet tjetër për të luajtur, Yaya e ka pasur avionin privat për të udhëtuar”, shtoi ai.
Ai e përshkroi Toure si një nga lojtarët më të njohur që ka takuar, duke theksuar se “si Yaya Toure nuk më kanë parë sytë”. Halimi e vlerësoi Toure për thjeshtësinë e tij, pavarësisht statusit të tij të lartë në botën e futbollit. “Aq i thjeshtë. Domethënë ai ka qenë i privilegjuar në klubin tonë me kushte se ne udhëtonim për shembull me tren nga 9 orë me një qytet tjetër për të luajtur, Yaya e ka pasur avionin privat për të udhëtuar”, shtoi ai.
Halimi tregoi se Toure kurrë nuk është ndarë nga ekipi, duke udhëtuar gjithmonë me ta, pavarësisht kushteve të ndryshme. “Sidoqoftë, trenat kanë qenë të mirë me dhomë gjumi, por pa marrë parasysh 17 orë janë shumë. Yaya Toure asnjëherë nuk është ndarë nga ekipi, gjithmonë me neve”, tha ai.
“Me çka kemi shkuar ne edhe ai me neve. Por edhe kështu e ka pasur filozofinë e lojës e këto i ka pasur tjetër nivel”, përfundoi Halimi, duke theksuar se për të ishte një privilegj të punonte me një lojtar të nivelit të Yaya Toures, i cili kishte luajtur në kohë të artë të Barcelonës.
Halimi e përshkroi Toure si një djalë të mirë, të sjellshëm dhe të thjeshtë, një karakter që e bën atë edhe më të admirueshëm. “Nuk e kisha imagjinuar”, përfundoi ai, duke lënë të kuptohet se përvoja me Toure ishte një nga ato momente që do të mbetet gjithmonë në kujtesën e tij.
Episodin e plotë me Betim Halimin mund ta ndiqni edhe në kanalin zyrtar të Telegrafit në YouTube./Telegrafi/
– YouTube www.youtube.com
