Që nga hyrja e tij në shtëpinë e Big Brother VIP Albania, DJ Gimbo ka qenë në qendër të vëmendjes për një pëlqim të mundshëm ndaj Selinës, duke ngjallur dyshime se ai mund të ketë qëllime për të prishur raportin e saj me Mirin.
Megjithatë, gjatë spektaklit, Gimbo ka qenë i qartë në qëndrimin e tij, duke mohuar këto zëra. Ai ka shprehur se nuk ka hyrë në shtëpi për të ndarë askënd dhe se sjellja e tij është keqinterpretuar nga banorët e tjerë.
“Sa herë që qëndroj pranë Selinës, ndjej vëmendjen e banorëve dhe për këtë arsye preferoj të largohem vetë,” ka thënë ai, duke e bërë të qartë se ndjenjat e tij janë të sinqerta dhe se nuk dëshiron të krijojë tensione të panevojshme.
BBVK/YouTube
Gimbo ka pranuar se i pëlqen të kalojë kohë në shoqërinë e Selinës, duke theksuar se gjithmonë ka qenë i sinqertë për ndjenjat e tij. “Unë e kam thënë gjithmonë që kam pëlqim për të,” ka deklaruar ai, duke i dhënë një dimension të ri marrëdhënies së tyre.
Selina, nga ana tjetër, ka shprehur se me Gimbin “i ecën muhabeti, batutat dhe energjia”, duke lënë të kuptohet se ndjenjat janë të ndërsjella. Kjo ka bërë që publiku të spekulojë më shumë mbi natyrën e marrëdhënies së tyre dhe mbi mundësinë e një lidhjeje më të thellë.
Debati mes Gimbos dhe Mirit është intensifikuar, kur Gimbo iu drejtua Mirit duke sqaruar: “Ti the vetë në klip që jam xheloz kushdo që i afrohet, unë për vete nuk jam xheloz, për shoqen nuk jam.” Kjo ka nxitur një reagim të menjëhershëm nga Miri, i cili ka pranuar se është xheloz për çdo njeri dhe çdo gjë që dëshiron.
BBVK/YouTube
Gimbo ka theksuar se nuk e sheh askënd si “objekt” për t’ia marrë dikujt tjetër, duke shprehur se ka vënë re reagime jo vetëm nga Miri, por edhe nga banorë të tjerë sa herë që ai qëndron me Selin. “Unë çohem dhe iki. Unë asaj fjale që them i rri. Selin me Mirin janë lojtarë shumë të mirë, unë s’kam ardhur ta ndaj asnjë prej tyre,” ka thënë ai, duke e bërë të qartë që qëllimi i tij nuk është të krijojë drama.
Me këtë situatë, tensioni në shtëpinë e Big Brother VIP Albania vazhdon të rritet, duke lënë publikun të spekulojë mbi atë se çfarë do të ndodhë më tej mes Gimbos, Selinës dhe Mirit. A do të arrijnë ata të menaxhojnë emocionet e tyre, apo do të ndodhin përplasje të tjera? Vetëm koha do ta tregojë, por një gjë është e sigurt: drama është e garantuar.
/Telegrafi/
– YouTube www.youtube.com